Logo - Agriturismo La Stala Mezzovico

Agriturismo

L’idea da vert un agriturismo lé vegnüda chel dì che la vegia stala di vacc l’eva più a norma e quindi bisognava cambiaa radicalment l’impustazion funzional dall’allevament.

Infatti i vecc stall i saresa diventaa inevitabilment di deposit o magazzin.

Da chì, apunto, vista la pusizion favurevola e comunque un pasat dala famiglia in dala risturazion, ul prugett par creaa un lucal chel pudeva vess accoglient e in dal stess temp esaltaa  i prudott dal’azienda come quii da tüta la region, cercando da faa rivif i emuzion d’una volta.

La filosofia lé multo semplic, pruponum ricett e specialità dal teritori, magari rivisitaat un zicc cun i tecnic muderni, cercando da faa riscuprii di güst e pietanz urmai discmentegaat, metendoc denta anca un grand segret, …..la passion!

Ula squadra da cüsina lé giuvina e ul Chef lé ul Saxa Boni, che pür essendo un giuvinott lè reussit a veg la fidücia e l’apogg da tücc i culaburaduu dala Stala, e ul grüpp al risulta multo uniit e mutivaat.

Inveci in dal servizi la supervision lé dala Patrizia che la cüra tücc i detai come l’ambient cald e l’atmusfera che vegn pruposta, nandog a dré ai ritmi di stagion, per reuscii a cucolaa i client e güstaa ammò mei i prupost gastrunomic.

 A dispusizion di ospit la sala principal cun ul camin, un grutin anca lù cun ul camin e d’estat una bela terazza in dala curt.

Ul tütt pociat denta in dal cöör e in dala realtà d’una picula azienda agricola.

L’Agriturismo La Stala è aperto

Mercoledì - Sabato 11:00 - 14:30 / 17:00 - 23:00

Domenica 11:00 - 16:00

Lunedì e martedì chiuso