Logo - Agriturismo La Stala Mezzovico

L’azienda agricola la lavüra circa 15 ettari da teren

L’azienda agricola La Stala Sagl la lavüra circa 15 ettari da teren quasi esclusivament par faa ul fen. Pürtropp in dala nosa region la tera lé pooc indicada par faa altro e fen e pascul ié l’utilizzi principai.

 

Levum una quindasena da vacc (nutrici) a segunda da l’anada, la razza lé Charolais incrusada cun l’Angus, siccome a cargum l’Alp da Faré (Alpett da Sigirin) che al gà una pendenza pitost impegnativa cun una estension da circa 20 ettari, i vacc i def vess agil e miga tropp pesant e quindi cun l’esperienza che em fai cun chel tipo da vaca chi, al sudisfa i noss necessità e i noss aspettatif.

 

I purscei, mediament na vintena, i fa part dal bestiam che levum e che cercum da lasaa liber al pascul in modo che i poda veeg ul masim dal benesser.

 

Anca i cunili i fa part dal’azienda e a segunda da l’anada o dala stagion i po' rivaa a vess anca na quarantena.

 

Em fai su un bel pulee cun l’uscida al pascul par na centena da galin da öf in modo che da quii an manchiga miga.

 

Consumum circa 400 quintai da fen, 130 quintai da silo da mais e 100 quintai da furagg pai purscei, 40 quintai da mangim pai galin

L’Agriturismo La Stala è aperto

Mercoledì - Sabato 11:00 - 14:30 / 17:00 - 23:00

Domenica 11:00 - 16:00

Lunedì e martedì chiuso